ആലുവ: മെട്രോ വഴിവിളക്കുകളുടെ പ്രവർത്തനം താളംതെറ്റി. തോന്നിയ പോലെയാണ് ലൈറ്റുകൾ തെളിയുന്നതും അണയുന്നതും. ആലുവ മേഖലയിലെ മെട്രോ തൂണുകളിലടക്കമുള്ള നൂറോളം ലൈറ്റുകളുടെ പ്രവർത്തനമാണ് താളം തെറ്റിയത്. രാത്രി വളരെ വൈകിയാണ് ലൈറ്റുകൾ തെളിയുന്നത്, ഉച്ചയോടെയാണ് കെടുന്നതും. അതിനാൽ തന്നെ ലൈറ്റുകളുടെ പ്രയോജനം ജനങ്ങൾക്ക് ലഭിക്കുന്നില്ല. സാമൂഹിക വിരുദ്ധരും ലഹരി ഇടപാടുകാരും തമ്പടിക്കുന്ന ബൈപാസ് അടിപ്പാതകളുടെ പ്രദേശങ്ങളിൽ ഈ ലൈറ്റുകളാണ് പ്രധാന ആശ്രയം.
