Ernakulam

വീട്ടിൽനിന്ന് ഹാഷിഷ് ഓയിലും കഞ്ചാവും പിടികൂടി

Posted on Author evadminComments Off on വീട്ടിൽനിന്ന് ഹാഷിഷ് ഓയിലും കഞ്ചാവും പിടികൂടി

മട്ടാഞ്ചേരി: ഇടക്കൊച്ചി ഓൾഡ് ഫെറി വാവക്കാട്ട് വീട്ടിൽ റിതിക്കിന്റെ (23) വീട്ടിലെ കിടപ്പുമുറിയിൽനിന്ന് 1.014 കിലോഗ്രാം ഹാഷിഷ് ഓയിൽ, ചെറിയ പ്ലാസ്റ്റിക് ഡപ്പികൾ, 200 ഗ്രാം കഞ്ചാവ് എന്നിവ കണ്ടെടുത്തു. ഇയാൾ രക്ഷപ്പെട്ടു. റിതിക്കിന്റെ പേരിൽ അർത്തുങ്കൽ സ്റ്റേഷനിൽ ഹാഷിഷ് ഓയിൽ കടത്തിയ കേസുണ്ടെന്ന് എക്സൈസ് പറഞ്ഞു.

എക്സൈസ് ഇൻസ്പെക്ടർ എ.എസ്. ജയന് കിട്ടിയ രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. പ്രിവന്റീവ് ഓഫീസർമാരായ കെ.കെ. അരുൺ, കെ.പി. ജയറാം, സിവിൽ എക്സൈസ് ഓഫീസർമാരായ പി.എക്സ്. റൂബൻ, പ്രദീപ്‌, വനിതാ സിവിൽ എക്സൈസ് ഓഫീസർ സജിത, ഡ്രൈവർ മുഹമ്മദ്‌കുഞ്ഞ് എന്നിവരും ഉണ്ടായിരുന്നു.

More from Ernakulam
Ernakulam

മുനമ്പം ബോട്ട് അപകടം; കാണാതായവരിൽ ഒരാളുടെ മൃതദേഹം കൂടി കണ്ടെത്തി

Posted on Author evadmin

എറണാകുളം: മുനമ്പം ബോട്ട് അപകടത്തിൽ കാണാതായവരിൽ ഒരാളുടെ മൃതദേഹം കൂടി കണ്ടെത്തി. മാലിപ്പുറം സ്വദേശി ഷാജിയുടെ മൃതദേഹമാണ് കണ്ടെത്തിയത്.ചെറായി ഭാഗത്ത് നിന്നാണ് മൃതദേഹം ലഭിച്ചത്. കടലില്‍ ഒഴുകി നടക്കുകയായിരുന്ന മൃതദേഹം കോസ്റ്റൽ പൊലീസും മറൈൻ എൻഫോഴ്‌സ്‌മെന്റും ചേർന്നാണ് കരക്കെത്തിച്ചത്. ഇതോടെ മുനമ്പം ബോട്ട് അപകടത്തില്‍ പെട്ടവരില്‍ മൂന്ന് പേരുടെ മൃതദേഹം ലഭിച്ചു. ഇന്നലെ മാലിപ്പുറം സ്വദേശികളായ അപ്പുവിന്റേയും ശരത്തിന്‍റേയും മൃതദേഹങ്ങള്‍ ലഭിച്ചിരുന്നു. ഒരാൾക്ക് വേണ്ടിയുള്ള തിരച്ചിൽ തുടരുകയാണ്.
Ernakulam

ചിരി മാഞ്ഞു, കഥാപാത്രങ്ങള്‍ അനശ്വരം; ഇന്നസെന്റ് ഇനിയില്ല

Posted on Author evadmin

കൊച്ചി: അനശ്വരങ്ങളായ കഥാപാത്രങ്ങളിലൂടെ ലോകമെങ്ങുമുള്ള മലയാളികള്‍ക്ക് എക്കാലത്തേക്കും ചിരിയുടെ പൂത്തിരി പകര്‍ന്ന വിഖ്യാതനടന്‍ ഇന്നസെന്റ്(75) അന്തരിച്ചു. രണ്ടാഴ്ചയിലധികമായി കൊച്ചിയിലെ സ്വകാര്യ ആശുപത്രിയില്‍ ചികിത്സയിലായിരുന്നു. ശ്വാസകോശത്തില്‍ അണുബാധയുണ്ടായതിനെ തുടര്‍ന്ന് നില മോശമായതോടെ തീവ്രപരിചരണ വിഭാഗത്തിലേക്ക് മാറ്റുകയായിരുന്നെങ്കിലും ഞായറാഴ്ച്ച രാത്രി 10.30 ഓടെയായിരുന്നു അന്ത്യം. മുന്‍ പാര്‍ലമെന്റ് അംഗം കൂടിയാണ് ഇന്നസെന്റ്. അറുനൂറിലധികം ചലച്ചിത്രങ്ങളില്‍ അഭിനയിച്ചിട്ടുള്ള ഇന്നസെന്റ് മലയാള സിനിമയിലെ എക്കാലത്തെയും മികച്ച ഹാസ്യതാരങ്ങളില്‍ ഒരാളാണ്. വിശേഷമായ ശരീരഭാഷയും തൃശൂര്‍ ശൈലിയിലുള്ള സംഭാഷണവും ഇന്നസെന്റിന്റെ സവിശേഷതകളായിരുന്നു. സത്യന്‍ അന്തിക്കാട്, ഫാസില്‍, Read More..
Ernakulam

കാട്ടുപോത്തുകളുടെ ആക്രമണം കൂടിവരുന്നു; പ്രധാനകാരണം കൊടും ചൂടാണെന്നു വിദഗ്ധർ.

Posted on Author evadmin

കൊച്ചി: കാട്ടുപോത്തിന്റെ ശല്യം വർദ്ധിച്ചുവരുന്നു. പ്രധാനകാരണം കൊടും ചൂടാണെന്നു വിദഗ്ധർ. പോത്തുകൾ പൊതുവിൽ തണുപ്പ് ഇഷ്ട്ടപെടുന്നവരാണ് എന്നാൽ ഇവ കടുത്ത ചൂടിൽ അക്രമാസക്തരാവാൻ സാധ്യത കൂടുതലാണ്. ഏപ്രിൽ–മേയ് മാസങ്ങളിൽ കാട്ടുപോത്തുകൾ ഇണചേരുന്ന കാലമാണ്. വർദ്ധിച്ചു വരുന്ന ചൂട് കാരണം ഇവ യാത്രാപഥത്തിലുള്ള ജനവാസ മേഖലകളിലേക്ക് അപ്രതീക്ഷിതമായി എത്തുകയും മനുഷ്യരുമായി സംഘട്ടനത്തിൽ ഏർപ്പെടുകയും ചെയ്യുന്നു. ചൂടിന്റെ അസ്വസ്ഥതയ്ക്കൊപ്പം ശരീരത്തിൽ പറന്നു പറ്റുന്ന പ്രാണികളുടെ (പരാദങ്ങൾ) ശല്യം അസഹ്യമാകുന്നതും ഇവയെ വിറളി പിടിപ്പിക്കും. ചൂടുകൊണ്ട് അതിവേഗം ശ്വാസം എടുക്കുന്നത് കൊണ്ട് Read More..