കിഴക്കമ്പലം: സ്കൂട്ടർ മോഷണക്കേസിൽ യുവാവ് പിടിയിൽ. പള്ളിക്കര തെങ്ങോട് വെളുത്തേടത്ത് വീട്ടിൽ മുൻസീർ (19) നെയാണ് തടിയിട്ടപറമ്പ് പൊലീസ് അറസ്റ്റ് ചെയ്തത്. പഴങ്ങനാട് കയറ്റം ബസ് സ്റ്റോപ്പിന് സമീപമുള്ള പലചരക്കുകടയുടെ മുൻവശത്ത് പാർക്ക് ചെയ്തിരുന്ന സ്കൂട്ടർ കഴിഞ്ഞ 12ന് ആണ് യുവാവ് മോഷ്ടിച്ചത്. ഇൻസ്പെക്ടർ വി.എം. കേഴ്സൻ, എസ്.ഐമാരായ പി.എം. റാസിഖ്, കെ. ഉണ്ണികൃഷ്ണൻ, എസ്.സി.പി.ഒമാരായ പി.എസ്. സുനിൽകുമാർ, സി.പി.ഒ അരുൺ കെ.കരുണൻ എന്നിവർ ആണ് അന്വേഷണസംഘത്തിലുണ്ടായിരുന്നത്.
