ഏഴാറ്റുമുഖം: പ്രകൃതിഗ്രാമത്തിനു അടുത്തുള്ള 18–ാം ബ്ലോക്കിൽ കാട്ടാന ഇറങ്ങി. പതിനഞ്ചിലേറെ കുടുംബങ്ങൾക്കു ശുദ്ധജലം നൽകാനായി സ്ഥാപിച്ച ടാങ്ക് തകർത്തു. ഇതിനു മുൻമ്പും കാട്ടാനകൾ ഈ ടാങ്ക് ആക്രമിച്ചിട്ടുണ്ട്. ചെക്ഡാമിനു സമീപത്തുള്ള എണ്ണപ്പന കാട്ടാന റോഡിലേക്ക് മറിച്ചിട്ടതിനാൽ ഒരു മണിക്കൂറോളം ഗതാഗതം തടസപ്പെട്ടു. യാർഡിനു സമീപത്തെ എണ്ണപ്പനകളിൽ പലതും കുത്തി കേടുവരുത്തുകയും ചെയ്തു.
