അപകടക്കെണിയൊരുക്കി പറവൂർ-അത്താണി റോഡ്

കു​ന്നു​ക​ര: ജ​ൽ ​ജീ​വ​ൻ പ​ദ്ധ​തി​യു​ടെ പൈ​പ്പി​ടു​ന്ന​തി​ന് കു​ത്തി​പ്പൊ​ളി​ച്ച പ​റ​വൂ​ർ – അ​ത്താ​ണി റോ​ഡ് അ​പ​ക​ട ഭീ​ഷ​ണി​യി​ൽ. മാ​സ​ങ്ങ​ളോ​ളം കു​ണ്ടും, കു​ഴി​യും, മ​ൺ​കൂ​ന​ക​ളും നി​റ​ഞ്ഞ റോ​ഡി​ൽ കാ​ന മൂ​ടി​യ ഭാ​ഗ​ത്ത് അ​ല​ക്ഷ്യ​മാ​യി മെ​റ്റ​ൽ വി​ത​റി​യ​തോ​ടെ യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടു​ന്ന​താ​യി ആ​ക്ഷേ​പം. വീ​തി കു​റ​ഞ്ഞ കു​പ്പി ക​ഴു​ത്താ​കൃ​തി​യി​ലാ​യ റോ​ഡി​ൽ പ​ല​യി​ട​ത്തും നി​ര​ന്ത​രം അ​പ​ക​ട​ങ്ങ​ളു​ണ്ടാ​കു​ന്നു. കൊ​ടു​ങ്ങ​ല്ലൂ​ർ, തു​രു​ത്തി​പ്പു​റം, മാ​ള ഭാ​ഗ​ങ്ങ​ളി​ൽ നി​ന്ന് നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലേ​ക്കെ​ത്താ​നു​ള്ള എ​ളു​പ്പ മാ​ർ​ഗ​വു​മാ​ണി​ത്.

യാ​ത്ര​ക്കാ​രു​ടെ തി​ര​ക്കും, ഇ​തു​വ​ഴി ഭാ​ര​വാ​ഹ​ന​ങ്ങ​ളു​ടെ വ​ര​വും വ​ർ​ധി​ച്ച​തോ​ടെ അ​പ​ക​ട സാ​ധ്യ​ത​യും കൂ​ടു​ത​ലാ​ണ്. ജ​ൽ ജീ​വ​ൻ പ​ദ്ധ​തി​ക്കാ​യി പൈ​പ്പി​ട​ൽ പൂ​ർ​ത്തി​യാ​ക്കി​യി​ട്ട് മാ​സ​ങ്ങ​ൾ ക​ഴി​ഞ്ഞെ​ങ്കി​ലും ടാ​റി​ങ് ജോ​ലി ആ​രം​ഭി​ക്കാ​ത്ത​തി​നാ​ൽ കാ​ൽ​ന​ട യാ​ത്രി​ക​ർ പോ​ലും ദു​രി​ത​ത്തി​ലാ​ണ്. അ​തി​വേ​ഗം സ​ഞ്ച​രി​ക്കു​ന്ന വാ​ഹ​ന​ങ്ങ​ൾ ക​യ​റി​യി​റ​ങ്ങു​മ്പോ​ൾ മെ​റ്റ​ൽ ചീ​ളു​ക​ൾ തെ​റി​ച്ച് കാ​ൽ​ന​ട​ക്കാ​രും സ​മീ​പ​വാ​സി​ക​ളും ക​ച്ച​വ​ട സ്ഥാ​പ​ന​ങ്ങ​ളി​ലു​ള്ള​വ​രും അ​പ​ക​ട​ത്തി​ൽ​പ്പെ​ടു​ന്ന​താ​യി പ​രാ​തി​യു​ണ്ട്.

ഇ​രു​ച​ക്ര​വാ​ഹ​ന യാ​ത്രി​ക​രും രാ​പ്പ​ക​ൽ ഭേ​ദ​മ​ന്യേ ദു​രി​തം നേ​രി​ടു​ന്നു​ണ്ട്. ത​ടി​ക്ക​​ക്ക​ട​വ് ഭാ​ഗ​ത്ത് നി​ന്ന് പ്ര​ധാ​ന റോ​ഡി​ൽ പ്ര​വേ​ശി​ക്കു​ന്ന വാ​ഹ​ന​ങ്ങ​ളും അ​നി​യ​ന്ത്രി​ത സം​വി​ധാ​നം മൂ​ലം അ​പ​ക​ട​ത്തി​ൽ​പ്പെ​ടു​ന്ന​തും പ​തി​വാ​ണ്. അ​ടു​ത്തി​ടെ ടാ​റി​ങ് പൂ​ർ​ത്തി​യാ​ക്കി​യ റോ​ഡാ​ണ് ജ​ല​ജീ​വ​ൻ പ​ദ്ധ​തി​യു​ടെ പേ​രി​ൽ ന​ര​ക​തു​ല്യ അ​വ​സ്ഥ​യി​ലാ​യി​രി​ക്കു​ന്ന​തെ​ന്നാ​ണാ​ക്ഷേ​പം. നി​ത്യ​വും അ​പ​ക​ട​ങ്ങ​ൾ അ​ര​ങ്ങേ​റി​യി​ട്ടും അ​തൊ​ന്നും ത​ങ്ങ​ളെ ബാ​ധി​ക്കി​ല്ലെ​ന്ന മ​ട്ടി​ലാ​ണ​ത്രെ അ​ധി​കാ​രി​ക​ൾ. യാ​ത്ര​ക്കാ​രു​ടെ ജീ​വ​ൻ പ​ന്താ​ടു​ന്ന റോ​ഡി​ലെ അ​ശാ​സ്ത്രീ​യ​ത​ക്കെ​തി​രെ വ്യാ​പ​ക പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്. പ​ല​രും നി​യ​മ ന​ട​പ​ടി​ക​ൾ​ക്കും, പ്ര​ത്യ​ക്ഷ സ​മ​ര​പ​രി​പാ​ടി​ക​ൾ​ക്കും ഒ​രു​ങ്ങു​ക​യാ​ണ്.