മട്ടാഞ്ചേരി: എം.ഡി. എം.എ. വില്പനയ്ക്കിടെ യുവാവ് പിടിയിലായി. കുവപ്പാടം സ്വദേശി അഭിജിത്തി(29)നെയാണ് സാന്റോ ഗോപാലൻ റോഡിൽ കുമാർ പെട്രോൾ പമ്പിന് സമീപം വച്ച് അറസ്റ്റു ചെയ്തത്.
3. 40 ഗ്രാം എം.ഡി.എം. എ ഇയാളിൽ നിന്നും പിടികൂടി. ജില്ലാ രഹസ്യാന്വേഷണ സംഘo നൽകിയ വിവരത്തെ തുടർന്ന് അധികാരികൾ കോളേജ് പരിസരമടക്കം നിരീക്ഷണം നടത്തുകയായിരുന്നു.
മട്ടാഞ്ചേരി എ. സി. പി. മനോജ് കെ.ആറിന്റെ നിർദ്ദേശത്തെ തുടർന്ന് ഇൻസ്പെക്ടർമാരായ തൃദീപ് ചന്ദ്രൻ ,ജിൻസൺ ഡോമിനിക് ,സി.പി.ഒമാരായ ശ്രീകുമാർ ,എഡ്വിൻ മോൻ ,വിഷ്ണു ബേബിലാൽ ,അബു താലീബ് എന്നിവർ ചേർന്നാണ് പിടികൂടിയത്. പ്രതിയെ റിമാൻഡ്ചെയ്തു.
