നെടുമ്പാശേരി ∙ റൺവേ അറ്റകുറ്റപ്പണികളെ തുടർന്ന് കരിപ്പൂരിൽ ഇറക്കാൻ കഴിയാതെ വിമാനം കൊച്ചിയിലേക്ക് തിരിച്ചുവിട്ടു. വിമാനത്തിലെ യാത്രക്കാരെ റോഡ് മാർഗം കോഴിക്കോട്ട് എത്തിക്കാമെന്ന അധികൃതരുടെ നിർദേശത്തെത്തിൽ യാത്രക്കാർ നെടുമ്പാശേരി വിമാനത്താവളത്തിൽ പ്രതിഷേധിച്ചു. ജിദ്ദയിൽ നിന്ന് പുറപ്പെട്ട സ്പൈസ് ജെറ്റിന്റെ കോഴിക്കോട് വിമാനമാണ് ഉച്ചയ്ക്ക് ഒരുമണിയോടെ കൊച്ചിയിൽ ഇറക്കിയത്. 180 യായാത്രക്കാരാണ് വിമാനത്തിൽ ഉണ്ടായിരുന്നത്. വിമാന ജീവനക്കാരുടെ പറക്കൽ സമയം അവസാനിച്ചതിനാൽ യാത്രക്കാരെ റോഡ് മാർഗം കൊച്ചിയിൽ നിന്നും കോഴിക്കോട്ട് എത്തിക്കാമെന്ന് സ്പൈസ് ജെറ്റ് അധികൃതർ അറിയിച്ചെങ്കിലും യാത്രക്കാർ വിസമ്മധിച്ചു. തുടർന്നു പുതിയ ജീവനക്കാരെ എത്തിച്ചു വിമാന മാർഗം തന്നെ യാത്രക്കാരെ തിരികെ കൊണ്ടു പോകാമെന്നു പൊലീസിന്റെ സാന്നിധ്യത്തിൽ ധാരണ ഉണ്ടാക്കിയ ശേഷം. വൈകിട്ട് യാത്രക്കാരുമായി വിമാനം കോഴിക്കോട്ടേക്കു പുറപ്പെട്ടു.
