മട്ടാഞ്ചേരി: വീടിനകത്തിരുന്ന വയോധികയുടെ കഴുത്തിൽ കത്തി വെച്ച് ഭീഷണി പെടുത്തി അഞ്ചുപവന്റെ മാല മോഷ്ടിച്ചു. മട്ടാഞ്ചേരി കൂവപ്പാടം കൂപ്പുകുളങ്ങര വീട്ടിൽ സംഭവി(86) യുടെ മാലയാണ് മോഷ്ടിച്ചത്. ചൊവ്വാഴ്ച്ച ഉച്ചയോടെയായിരുന്നു സംഭവം. കൂവപ്പാടത്തെ പ്രധാന റോഡിന്‌നോട് ചേർന്നിരിക്കുന്ന വീടാണ് ഇവരുടെ. ഉച്ചയോടെ ഒരാൾ വീടിനുമുന്നിൽ എത്തി, വീടിനു മുകളിൽ താമസിക്കുന്നവരെ കുറിച്ച് അന്വേഷിക്കുകയും, സംശയം തോന്നിയ വയോധിക വീടിനകത്തു കയറി മുൻവാതിൽ അകത്തു നിന്നും കുറ്റിയിട്ടു. ഈ സമയം വീട്ടിൽ ആരുമുണ്ടായിരുന്നില്ല. ഈ സമയം അക്രമി വീടിന്റെ പിറകിലൂടെ ചെന്ന് വീടിനു അകത്തു കയറി വയോധികയുടെ മാലമോഷ്ടിക്കുകയായിരുന്നു. അക്രമി മലയാളിയാണ് എന്നാണ് പറയുന്നത്. സ്ഥലത്തെ കുറിച്ച് അറിയാവുന്ന ആരോ ആണെന്ന്ണ് നിഗമനം.
