മട്ടാഞ്ചേരി: 13കാരനെ തടഞ്ഞുനിർത്തി മൊബൈൽ ഫോണും പണവും കവർന്ന കേസിൽ രണ്ട് പ്രതികളെ പൊലീസ് അറസ്റ്റ് ചെയ്തുമട്ടാഞ്ചേരി കൂവപ്പാടം സുജാത ജങ്ഷന് സമീപം നടന്നു പോവുകയായിരുന്ന 13കാരനെ തടഞ്ഞ് നിർത്തി 15,000 രൂപ വില വരുന്ന മൊബൈൽ ഫോണും കയ്യിൽ ഉണ്ടായിരുന് പണവും കവരുകയായിരുന്നു. മോഷ്ടിച്ച മൊബൈൽ ഫോൺ എറണാകുളത്ത് ഷോപ്പിൽ വിൽക്കാൻ ശ്രമിക്കവെ പൊലീസിന് ലഭിച്ച രഹസ്യവിവരത്തെ തുടർന്ന് മട്ടാഞ്ചേരി പൊലീസ് ഇൻസ്പെക്ടർ തൃദീപ് ചന്ദ്രന്‍റെ നേതൃത്വത്തിലെത്തിയ സംഘം പിടികൂടുകയായിരുന്നു.. മട്ടാഞ്ചേരി പുത്തൻ വീട്ടിൽ ഹൻസിൽ (18), ജ്യൂടൗണിൽ താമസിക്കുന്ന സുഹൈൽ (19) എന്നിവരാണ് പിടിയിലായത്.
