യുവതിയെ കുത്തിപ്പരിക്കേൽപിച്ചു; പ്രതി പിടിയിൽ

ഏലൂർ: വീ‌ടിനകത്ത് അതിക്രമിച്ചുകയറി യുവതിയെ കുത്തിക്കൊലപ്പെടുത്താൻ ശ്രമിച്ച യുവാവ് പോലീസ് പിടിയിൽ.ഞാ​യ​റാ​ഴ്ച രാ​വി​ലെ 10മണിയോടെയാണ് സം​ഭ​വം. ഏ​ലൂ​ർ പ​ര​പ്പ​ത്ത് വീ​ട്ടി​ൽ ബി​ജു​വി​നെ​​ (46) അ​റ​സ്റ്റ് ചെ​യ്തു.

വീട്ടിലെ ഹാളിൽ അതിക്രമിച്ചു കയറിയ ബിജു കത്തികൊണ്ടു യുവതിയെ കുത്തുകയായിരുന്നു. ഒഴിഞ്ഞു മാറിയ യുവതിയുടെ വയറിന്റെ ഇടതുഭാഗത്ത് കുത്തേറ്റു. പരുക്കേറ്റ യുവതിയെ എറണാകുളം ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

പ്ര​തി​യു​മാ​യു​ള്ള സൗ​ഹൃ​ദം ഉ​പേ​ക്ഷി​ച്ച​തി​ലും ഫോ​ൺ എ​ടു​ക്കാ​തി​രു​ന്ന​തി​ലു​മു​ള്ള വൈ​രാ​ഗ്യമാണ് വീ​ട്ടി​ൽ ക​യ​റി കു​ത്തി​പ്പ​രി​ക്കേ​ൽപ്പിക്കാൻ കാരണമെന്ന് പൊ​ലീ​സ് പ​റ​ഞ്ഞു. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.