Latest new in Aluva | Local news in Aluva

13 May

പിസ്റ്റൾ പരിശോധിക്കവേ പൊലീസ് ക്യാമ്പിൽ അബദ്ധത്തിൽ വെടി പൊട്ടി; പൊലീസുകാരന് പരിക്ക്

ആലുവ: കളമശേരി പൊലീസ് എ.ആർ ക്യാമ്പിൽ ജില്ലാ പൊലീസ് മേധാവിയുടെ അംഗരക്ഷകന്റെ സാന്നിദ്ധ്യത്തിൽ പിസ്റ്റൾ പരിശോധിക്കവേ അബദ്ധത്തിൽ വെടിപൊട്ടി പൊലീസുകാരന് പരിക്കേറ്റു. ഹെഡ് കോൺസ്റ്റബിൾ മിഥുൻ കുമാറിന്റെ ഇടതുകാലിന്റെ ചെറുവിരലിനാണ് പരിക്ക്. ഇന്നലെ ഉച്ചയ്‌ക്ക് 12 മണിയോടെയാണ് സംഭവം. എ.ആർ ക്യാമ്പിൽ ആർമർ എസ്.ഐ അവധിയിലായതിനാൽ ചുമതല മിഥുൻ കുമാറിനാണ്. എസ്.പിയുടെ പി.എസ്.ഒയുടെ സാന്നിദ്ധ്യത്തിൽ മിഥുൻ പിസ്റ്റൾ പരിശോധിക്കുമ്പോൾ വെടിപൊട്ടുകയായിരുന്നു. പിസ്റ്റൾ താഴേക്ക് ചൂണ്ടി പരിശോധിക്കണമെന്ന നിയമം പാലിച്ചതിനാൽ സമീപം ഉണ്ടായിരുന്നവർക്ക് പരിക്കില്ല. തറയിൽ ബുള്ളറ്റ് പതിച്ചതിനെ തുടർന്ന് സിമന്റ്…

13 May

വീട്ടിലിരുന്ന് ജോലി ചെയ്ത് വരുമാനമുണ്ടാക്കാമെന്ന് വാഗ്ദാനം; ആലുവ സ്വദേശിയായ വീട്ടമ്മയിൽ നിന്ന് 17 ലക്ഷം രൂപ തട്ടിയ ആൾ അറസ്റ്റിൽ

ആലുവ: ഓൺലൈൻ സൈറ്റിലൂടെ ജോലി ചെയ്ത് വരുമാനമുണ്ടാക്കാമെന്ന് വീട്ടമ്മയെ ധരിപ്പിച്ച തമിഴ്നാട് തിരുച്ചിറപ്പിള്ളി അമ്പു നഗർ വെങ്കടേഷ് (34) നെയാണ് ആലുവ സൈബർ പോലീസ് അറസ്റ്റ് ചെയ്തത്. സംഭവവുമായി ബന്ധപ്പെട്ട് അഞ്ച് പേർ മുൻപ് പിടിയിലായിരുന്നു. ഇവരുടെ വാഗ്ദാനം കണ്ട് ആലുവ എടത്തല സ്വദേശിയായ വീട്ടമ്മ തട്ടിപ്പു സംഘം നൽകിയ ഒരു സൈറ്റിൽ പ്രവേശിച്ച് രജിസ്റ്റർ ചെയ്തു. വ്യത്യസ്തങ്ങളായ ഭക്ഷണത്തിന് റേറ്റിംഗ് നൽകുകയായിരുന്നു അവർ നൽകിയ ടാസ്ക്ക്. വിശ്വാസം പിടിച്ചുപറ്റാൻ തട്ടിപ്പ് സംഘം കുറച്ച് തുക പ്രതിഫലമെന്ന പേരിൽ വീട്ടമ്മയ്ക്ക്…

21 Apr

റെയിൽവേ സ്റ്റേഷൻ റോഡിൽ ഭീഷണിയായി വൈദ്യുതി പോസ്റ്റ്; കണ്ടില്ലെന്ന് നടിച്ച് അധികാരികൾ

ആലുവ: തിരക്കേറിയ റെയിൽവേ സ്റ്റേഷൻ റോഡിൽ അപകടഭീതി പരത്തി വൈദ്യുതി പോസ്റ്റ് നിന്നിട്ടും ഗൗനിക്കാതെ അധികാരികൾ. തായീസ് വെഡിംഗ് സെന്ററിന് സമീപമാണ് നടപ്പാതയിൽ നിന്ന് റോഡിലേക്ക് ചരിഞ്ഞ് കോൺക്രീറ്റ് വൈദ്യുതി പോസ്റ്റ് നിൽക്കുന്നത്. ചരിവ് കൂടിയതോടെ നടപ്പാതയിലൂടെ പോകുന്നവരുടെ തല പോസ്റ്റിൽ ഇടിക്കുന്ന അവസ്ഥയാണ്. വൈദ്യുതി ലൈനുകൾക്ക് പുറമെ അനിയന്ത്രിതമായ രീതിയിൽ സ്വകാര്യ കമ്പനികളുടെ കേബിളുകളും ഇതിലൂടെ വലിച്ചിരിക്കുന്നതിനാലാണ് പോസ്റ്റ് വലിയതോതിൽ ചരിഞ്ഞതെന്ന് പരിസരത്തെ കച്ചവടക്കാർ പറയുന്നു. പോസ്റ്റ് എത്രയും വേഗം നേരെയാക്കാൻ നടപടി ഉണ്ടാകണമെന്നും അല്ലാത്തപക്ഷം വലിയ ദുരന്തത്തിന്…

20 Apr

മദ്യലഹരിയിൽ ടയർ പൊട്ടിയ കാറുമായി സഞ്ചരിച്ചു; ഡ്രൈവറെ പോലീസിൽ ഏൽപ്പിച്ച് നാട്ടുകാർ

ആലുവ: മദ്യലഹരിയിൽ ടയർ പൊട്ടിയ കാറുമായി കിലോമീറ്ററുകൾ സഞ്ചരിച്ച് ഒരുപാട് വാഹനങ്ങളിലിടിച്ചയാളെ നാട്ടുകാർ പിടികൂടി പൊലീസിലേൽപ്പിച്ചു. മുട്ടം ഭാഗത്തുള്ള സ്വകാര്യ കാർ ഷോറൂമിലെ ഡ്രൈവറായ ആലങ്ങാട് കുന്നപ്പള്ളി ജോയിയെയാണ് മദ്യലഹരിയിൽ പിടികൂടി പൊലീസിൽ ഏൽപിച്ചതെന്ന് നാട്ടുകാർ പറഞ്ഞു. വാഹനങ്ങൾക്ക് തകരാർ സംഭവിച്ചവർ പൊലീസിൽ പരാതി നൽകി. വെള്ളിയാഴ്ച വൈകീട്ടാണ് സംഭവം. കോമ്പാറ ഭാഗത്തുനിന്ന് കുന്നത്തേരി വഴി ആലുവ ഭാഗത്തേക്കും തുടർന്ന് കമ്പനിപ്പടി ഭാഗത്തേക്കുമാണ് അപകടകരമായി വാഹനമോടിച്ചത്. ഓട്ടത്തിനിടയിൽ പൊട്ടിയ ടയർ ഊരിപ്പോയിട്ടും റിമ്മിൽ ഓടിക്കുകയായിരുന്നു. റോഡരികിൽ നിർത്തിയിട്ടിരുന്നതും സഞ്ചരിക്കുന്നതുമായ നിരവധി…

20 Apr

‘റോഡ് നന്നാക്കാതെ പഞ്ചായത്തോഫീസ് മോടിപിടിപ്പിക്കണ്ട’ പ്രതിഷേധിച്ച് കടുങ്ങല്ലൂർ നിവാസികൾ

കടുങ്ങല്ലൂർ : മുപ്പത്തടം-ഏലൂക്കര റോഡ് പൊളിച്ചിട്ട്‌ ആറുമാസം പിന്നിട്ടിട്ടും പുനർനിർമിക്കാത്തതിൽ പ്രതിഷേധം. കടുങ്ങല്ലൂർ പഞ്ചായത്തോഫീസ് പരിസരം മോടിപിടിപ്പിക്കുന്ന പണി പ്രതിഷേധമായെത്തിയ നാട്ടുകാർ തടഞ്ഞു. ഏലൂക്കര മുതലുള്ള പ്രദേശവാസികൾക്ക് കടുങ്ങല്ലൂർ പഞ്ചായത്ത് കവലയിലേക്ക് എത്താനുള്ള പ്രധാനമാർഗമാണിത്. അതുകൂടാതെ സ്കൂളുകളിലേക്കും ജല അതോറിറ്റി ഓഫീസ്, വില്ലേജോഫീസ് എന്നിവിടങ്ങളിലേക്കും ഈ റോഡിലൂടെത്തന്നെ കടന്നുപോകണം. ഈ റോഡാണ് പൈപ്പ് സ്ഥാപിക്കുന്നതിനായി ആറുമാസം മുൻപ്‌ വെട്ടിപ്പൊളിച്ചത്. വേഗത്തിൽ പുനർനിർമാണം നടത്തുമെന്നാണ് അന്ന് പറഞ്ഞിരുന്നത്. ഇപ്പോൾ റോഡിലൂടെ നടക്കാൻപറ്റാത്ത അവസ്ഥയാണ്. മഴക്കാലത്തിനുമുൻപ്‌ റോഡ് നന്നാക്കേണ്ടതുണ്ട്. പക്ഷേ, ഇതുവരെ ഒരു…

19 Apr

ബി.എസ്.എൻ.എൽ കേബിൾ സ്ഥാപിക്കൽ; പറവൂർ-ആലുവ റോഡിൽ ഗതാഗതക്കുരുക്ക്

ബി.എസ്.എൻ.എൽ കേബിൾ സ്ഥാപിക്കാൻ കുഴിച്ചതിനെത്തുടർന്ന് പൊട്ടിയ ശുദ്ധജല പൈപ്പിന്റെ അറ്റകുറ്റപ്പണി പറവൂർ-ആലുവ റോഡിൽ നടത്തുന്നു. പറവൂർ: പറവൂർ-ആലുവ റോഡിൽ നഗരമധ്യത്തിൽ ബി.എസ്.എ.എൽ ഒപ്റ്റിക്കൽ ഫൈബർ കേബിൾ സ്ഥാപിക്കാൻ കുഴിയെടുത്തത് മൂലം ശുദ്ധജല വിതരണ പൈപ്പ് പൊട്ടി നഗരത്തിൽ ഗതാഗതക്കുരുക്കും ജല വിതരണ തടസ്സവും. പറവൂർ-ആലുവ പ്രധാന റോഡിൽ സ്വകാര്യ ബസ്സ്റ്റാൻഡിലേക്ക് പ്രവേശിക്കുന്ന സ്ഥലത്താണ് ചൊവ്വാഴ്ച വൈകീട്ട് പൈപ്പ് പൊട്ടി ശുദ്ധജലം വൻതോതിൽ നഷ്ടപ്പെട്ടത്. അശ്രദ്ധമൂലം 300 എം.എം വ്യാസമുള്ള പ്രധാന പൈപ്പാണ് തകർന്നത്. ഇതുമൂലം ചേന്ദമംഗലം പഞ്ചായത്തിലേക്ക് പൂർണമായും നഗരസഭ…

16 Apr

ബസ് ജീവനക്കാരെ ആക്രമിച്ച് പരിക്കേൽപ്പിച്ചു ; സഹോദരങ്ങൾ അറസ്റ്റിൽ

ആലുവ : കുഴിവേലിപ്പടി ചാലിയിൽ വീട്ടിൽ അയൂബ്(30), ചാലിയിൽ വീട്ടിൽ അൽത്താഫ് (28) എന്നിവരെയാണ് എടത്തല പോലീസ് അറസ്റ്റ് ചെയ്തത്. നിവേദ്യം ബസിലെ ഡ്രൈവർ ഷബീർ, ക്ലീനർ ആൽബിൻ എന്നിവരെയാണ് മർദ്ദിച്ചത്. ബസുകളുടെ സമയക്രമത്തെ ചൊല്ലിയുള്ള തർക്കമാണ് മർദ്ദനത്തിൽ കലാശിച്ചത്. പൂക്കാട്ടുപടിയിലെ ഹോട്ടലിന് മുൻവശത്തെ സ്റ്റോപ്പിൽ ബസ് നിർത്തി യാത്രക്കാരെ ഇറക്കുന്ന സമയം പ്രതികൾ ബസിൽ കയറി ആക്രമിക്കുകയായിരുന്നു. ഷബീറിൻ്റെ തലക്കാണ് വടി കൊണ്ട് അടിയേറ്റത്. തുടർന്ന് റോഡിലേക്ക് വലിച്ചിട്ടും മർദ്ദിച്ചു. തടയാൻ ശ്രമിച്ച ക്ലീനർ ആൽബ്ബിനും മർദ്ദനമേറ്റു. ബസിൻ്റെ…

10 Apr

ചാച്ചാജി ചിൽഡ്രൻസ് ട്രാഫിക് പാർക്ക്: ഈ വേനലവധിയിലും കുട്ടികൾക്ക് നിഷേധിച്ച് ആലുവ നഗരസഭ

ആലുവ: ഒന്നര വർഷം മുൻപ് 75 ലക്ഷം രൂപ ചെലവിൽ നവീകരിച്ച ആലുവ മുനിസിപ്പൽ പാർക്കിലെ ചാച്ചാജി ചിൽഡ്രൻസ് ട്രാഫിക് പാർക്കിൽ ഈ തവണയും കുട്ടികൾക്കു കളിക്കാൻ കഴിയില്ലെന്നു പരാതി. ഒന്നര വർഷമായിട്ടും നഗരസഭ ഇവിടേക്കു കളിയുപകരണങ്ങൾ വാങ്ങാത്തതാണ് കാരണം. വർണജലധാര അടക്കമുള്ള സംവിധാനങ്ങളും പ്രവർത്തിക്കാത്ത അവസ്ഥയിലാണ്. 2018ലെ പ്രളയത്തെ തുടർന്ന് അടച്ചുപൂട്ടിയ പാർക്ക് അപ്പോളോ ടയേഴ്‌സിന്റെ സഹകരണത്തോടെയാണ് നവീകരിച്ചത്. 2023 ഒക്ടോബർ 31നു തുറന്നു. പ്രധാന പാർക്കിനകത്തുള്ള കുട്ടികളുടെ ട്രാഫിക് പാർക്കിൽ ഗതാഗത ബോധവൽക്കരണത്തിന് ഉപകരിക്കുന്ന ചെറുവാഹനങ്ങൾ വാങ്ങുന്നതിനു…

09 Apr

അപകടകരമായ രീതിയിൽ ദേശീയപാതയിൽ ലഹരി സംഘത്തിന്‍റെ അഴിഞ്ഞാട്ടം

ടാങ്കർ ലോറിയിൽ ഇടിച്ചുതകർന്ന ലഹരി സംഘത്തിന്‍റെ കാർ ആലുവ: ദേശീയപാതയിൽ അഴിഞ്ഞാടി ലഹരി സംഘം. കാറിൽ അപകടകരമായ രീതിയിൽ പലതവണ പോയ സംഘം മറ്റു വാഹനങ്ങളിലും തട്ടി. ഒടുവിൽ സംഘത്തിലെ രണ്ടുപേരെ നാട്ടുകാർ കയ്യോടെ പിടികൂടി പൊലീസിൽ ഏൽപിച്ചു. ദേശീയപാത കമ്പനിപ്പടി-ഗാരേജ് ഭാഗത്ത് തിങ്കളാഴ്ച രാത്രി 10.30 ക്കാണ് സംഭവം. വളരെയേറെ ശബ്ദത്തോടുകൂടിയ പോളോ കാറിലാണ് ചെറുപ്പക്കാരായ അഞ്ചംഗ സംഘം അഴിഞ്ഞാടിയത്. ആലുവക്കും കളമശ്ശേരിക്കും ഇടയിൽ പലതവണ ഇവർ കാറിൽ അമിത വേഗത്തിൽ കറങ്ങി. മറ്റു പല വാഹനങ്ങളിലും ഇവരുടെ…

08 Apr

ആലുവ ജില്ലാ ആശുപത്രിയിൽ പൊലീസ് എയ്ഡ് പോസ്റ്റ് പ്രവർത്തിച്ചത് വെറും 7 ദിവസം

ആലുവ: ജില്ലാ ആശുപത്രിയിൽ ഫെബ്രുവരി 21നു പ്രവർത്തനം ആരംഭിച്ച പൊലീസ് എയ്ഡ് പോസ്റ്റ് പ്രവർത്തിച്ചത് വെറും 7 ദിവസം. ഏറ്റവും തിരക്കുള്ള ജില്ലയിലെ സർക്കാർ ആശുപത്രികളിൽ ഒന്നാണിത്. ഒട്ടേറെ ക്രിമിനലുകളെ രാത്രിയും പകലും വൈദ്യ പരിശോധനയ്ക്കു കൊണ്ടുവരുന്ന സ്ഥലവുമാണ്. ഡോക്ടർമാർ അടക്കമുള്ള ജീവനക്കാരുടെയും രോഗികളുടെയും സുരക്ഷയ്ക്കാണ് കാഷ്വൽറ്റിക്കു സമീപം എയ്ഡ് പോസ്റ്റ് തുടങ്ങിയത്. എയ്ഡ് പോസ്റ്റ് പ്രവർത്തിച്ച മുറിയുടെ വാതിൽ ഇപ്പോൾ പുറത്തു നിന്നു പൂട്ടി, അകം കാണാതിരിക്കാൻ ചില്ലിട്ട ഭാഗം കർട്ടൻ കൊണ്ടു മറച്ചിരിക്കുകയാണ്. 2 പൊലീസ് ഉദ്യോഗസ്ഥരെയാണ്…