ശീതീകരിച്ച ജൈവമാലിന്യ സംസ്കരണ ബൂത്തുമായി ആലുവ നഗരസഭ

​ആ​ലു​വ: രാ​ജ്യ​ത്ത് ശീ​തീ​ക​രി​ച്ച ജൈ​വ​മാ​ലി​ന്യ സം​സ്ക​ര​ണ ബൂ​ത്ത് ആ​ദ്യ​മാ​യി സ്ഥാ​പി​ച്ച് ആ​ലു​വ ന​ഗ​ര​സ​ഭ. ബാ​ങ്ക് എ.​ടി.​എം കൗ​ണ്ട​ർ മാ​തൃ​ക​യി​ൽ ആ​ലു​വ ടൗ​ൺ​ഹാ​ളി​ന് മു​മ്പി​ലാ​ണ് സ്വ​കാ​ര്യ​സ്ഥാ​പ​നം 20 ല​ക്ഷം രൂ​പ മു​ട​ക്കി മാ​ലി​ന്യ​സം​സ്ക​ര​ണ സം​വി​ധാ​നം ഒ​രു​ക്കി​യ​ത്. എ​ട​യാ​ർ റോ​ബോ​ബി​ൻ എ​ൻ​വി​റോ ടെ​ക് ആ​ണ് ന​ഗ​ര​സ​ഭ​ക്ക് പ​ണ​ച്ചെ​ല​വി​ല്ലാ​തെ പ​ദ്ധ​തി ന​ട​പ്പാ​ക്കു​ന്ന​ത്. മാ​ത്ര​മ​ല്ല വ​രു​മാ​ന​ത്തി​ന്റെ 30 ശ​ത​മാ​നം ന​ഗ​ര​സ​ഭ​ക്ക്​ ല​ഭി​ക്കു​ക​യും ചെ​യ്യും.

സ്വ​കാ​ര്യ ബ​സ് സ്റ്റാ​ൻ​ഡ്, തോ​ട്ട​ക്കാ​ട്ടു​ക​ര മാ​ർ​ക്ക​റ്റ് എ​ന്നി​വി​ട​ങ്ങ​ളി​ലും ബൂ​ത്തു​ക​ൾ സ്ഥാ​പി​ക്കാ​ൻ തീ​രു​മാ​നി​ച്ചി​ട്ടു​ണ്ട്. ഒ​രു​കി​ലോ ജൈ​വ​ മാ​ലി​ന്യം നി​ക്ഷേ​പി​ക്കു​ന്ന​തി​ന് ഏ​ഴ് രൂ​പ​യാ​ണ് നി​ര​ക്ക്. ദി​വ​സം ഏ​ഴ് ട​ൺ മാ​ലി​ന്യം വ​രെ നി​ക്ഷേ​പി​ക്കാം.

മാ​ലി​ന്യ​സം​സ്ക​ര​ണ​ത്തി​ന് ശേ​ഷം ല​ഭി​ക്കു​ന്ന ബ​യോ​ഗ്യാ​സ് ബി.​പി.​സി.​എ​ല്ലി​നും എ​ണ്ണ​യു​ടെ അം​ശം അ​ട​ങ്ങി​യ​വ ബ​യോ ഡീ​സ​ൽ ആ​ക്കു​ന്ന​തി​ന് എ​ട​യാ​റി​ലെ സ്വ​കാ​ര്യ ഏ​ജ​ൻ​സി​ക്കും കൈ​മാ​റും. വ​ള​വും എ​ട​യാ​റി​ലെ ക​മ്പ​നി​ക്ക് ന​ൽ​കും.